Umutoza Kirasa Alain wari umaze igihe atoza ikipe ya Kiyovu Sports yamaze gusinyira Rayon Sports amasezerano y’umwaka umwe nk’umutoza wungirije Robertinho ugera mu Rwanda saa saba z’ijoro zo kuri uyu wa kabiri tariki 23 Nyakanga 2019.
Kirasa Alain watoje Kiyovu Sports guhera kuwa 24 Ukwakira 2018 nk’umutoza mukuru,yagaragaje ubuhanga budasanzwe,azamura imikinire y’ikipe bituma ayigeza ku mukino wa nyuma w’igikombe cy’Amahoro yaherukagaho mu mwaka wa 1998.
Kirasa ukundwa na benshi mu bakunzi ba ruhago mu Rwanda kubera ubumenyi buhagije afite ku mupira w’amaguru,yamaze gusinyira ikipe ya Rayon Sports amasezerano y’umwaka umwe kugira ngo ayibere umutoza wungirije.
Uyu mugabo yasinyiye Rayon Sports kuri uyu wa Kabiri tariki 23 Nyakanga 2019 ndetse arahita atangira gukoresha imyitozo yo kwitegura umukino ubanza w’ijonjora rya mbere rya CAF Champions League bazacakirana na Al Hilal Omdurman.
IHIRWE Chriss
